„Þetta er bara saga sumarsins hjá okkur. Við höfum fengið á okkur tvö svona mörk í sumar og bæði hafa kostað okkur stig þegar maður liggur eftir höfuðhögg í restina en það er bara eins og það er við buðum uppá þetta.“
Sagði Sigurbjörn Hreiðarsson auðsjánlega svekktur þjálfari Grindavíkur eftir jafntefli liðsins gegn Aftureldingu í kvöld 2-2 en gestirnir jöfnuðu þegar komið var framyfir venjulegan leiktíma meðan Gunnar Þorsteinsson leikmaður Grindavíkur lá á vellinum.
Sagði Sigurbjörn Hreiðarsson auðsjánlega svekktur þjálfari Grindavíkur eftir jafntefli liðsins gegn Aftureldingu í kvöld 2-2 en gestirnir jöfnuðu þegar komið var framyfir venjulegan leiktíma meðan Gunnar Þorsteinsson leikmaður Grindavíkur lá á vellinum.
Lestu um leikinn: Grindavík 2 - 2 Afturelding
Leikurinn í kvöld var kaflaskiptur en liðin skiptu hálfleikjum á milli sín þegar kom að því að stýra leiknum þótt færi gestanna hafi verið hættulegri. En í ljósi þess má ekki að segja að úrslitin séu sanngjörn?
„Já það má kannski segja það heilt yfir. Það voru tækifæri í þessu á báða bóga og þeir fengu sín tækifæri. Afturelding er bara með hörkulið og eru að gera þetta vel og við vissum það alveg. Við fórum inní hálfleikinn og lagfærðum ákveðna hluti sem mér fannst ganga vel. Svo skorum við mark 2-1 og þá gerist það að maður fellur aðeins til baka og þá sérstaklega þegar lítið er eftir til þess að verja. En mér fannst möguleikarnir á því að bæta við þá alveg ofboðslega margir ef einhver hefði aðeins tekið boltann niður og spilað honum bara. En svona er þetta bara.“
Talsverður hiti hljóp í liðin undir lok leiks hvort heldur sem er leikmenn á vellinum eða liðsstjórn á bekkjum og fékk dómarinn talsvert að heyra það frá báðum liðum. Var Sigurbjörn heilt yfir ósáttur við dómgæsluna í leiknum?
„Ég veit það ekki. Þeir eru bara að reyna sitt og gera sitt besta í þessu þessir gæjar og ekkert mál með það en auðvitað verður maður heitur. Þetta síðasta atvik þarna (jöfnunarmark Aftureldingar) var furðulegt og mér fannst farið nokkrum sinnum í bakið á mönnum en það er bara eins og gerist í þessum leikjum Þeir eru að reyna að standa sig þessir gæjar og ég ætla ekkert að fara að hrauna yfir einn eða neinn hérna úr dómaratríóinu.“
Sagði Sigurbjörn en allt viðtalið má sjá hér að ofan.
Athugasemdir