KFG heimsótti Hauka á BIRTU-völlinn á Ásvöllum og náði þar í góðan 4-0 sigur.

Dagur Orri Garðarsson skoraði úr vítaspyrnu á 7. mínútu og kom Bjarki Hauksson gestunum í tveggja marka forystu áður en flautað var til loka fyrri hálfleiks.

Jón Arnar Barðdal gerði áttunda mark sitt í deildini á 57. mínútu áður en Helgi Snær Agnarsson setti punktinn yfir i-ið sex mínútum síðar með góðu marki. KFG er í 8. sæti með 15 stig, tveimur frá Haukum sem eru í 7. sæti.

Þorsteinn Már Þorvaldsson og Sævar Þór Fylkisson skoruðu tvö mörk með tveggja mínútna millibili er KF lagði Ægi að velli, 2-0, á Ólafsfjarðarvelli.

KF að ná í þriðja sigur sinn í deildinni en liðið er í næst neðsta sæti með 11 stig á meðan Ægir er með 15 stig í 9. sæti.

Höttur/Huginn vann auðveldan 4-1 sigur á Þrótti V. á Vilhjálmsvelli á Egilsstöðum.

Danilo Milenkovic gerði tvö mörk og þá skoruðu þeir Martim Cardoso og Heiðar Logi Jónsson sitt hvort markið. Eina mark Þróttara var sjálfsmark frá Ívari Arnbro Þórhallssyni á 86. mínútu leiksins.

Höttur er í 6. sæti með 18 stig, einu stigi á eftir Þrótti sem er í fimmta sætinu.

KF 2 - 0 Ægir
1-0 Þorsteinn Már Þorvaldsson ('30 )
2-0 Sævar Þór Fylkisson ('32 )

Höttur/Huginn 4 - 1 Þróttur V.
1-0 Martim Fortuna Soares Sequeira Cardoso ('9 )
2-0 Danilo Milenkovic ('26 )
3-0 Danilo Milenkovic ('56 )
3-1 Ívar Arnbro Þórhallsson ('86 , Sjálfsmark)
4-1 Heiðar Logi Jónsson ('90 )

Haukar 0 - 4 KFG
0-1 Dagur Orri Garðarsson ('7 , Mark úr víti)
0-2 Bjarki Hauksson ('41 )
0-3 Jón Arnar Barðdal ('57 )
0-4 Helgi Snær Agnarsson ('63 )