Franski miðjumaðurinn Maxime Gonalons er kominn til Sevilla á láni frá ítalska félaginu Roma. Hann ætlar að dvelja á Spáni í vetur.
Gonalons er 29 ára miðjumaður sem Roma fékk á gjafaverði frá Lyon síðasta sumar, eða fyrir rétt rúmlega 5 milljónir evra.
Hann náði ekki að festa sig í sessi hjá Roma voru lið í ensku úrvalsdeildinni á eftir honum fyrr í sumar. Það var hins vegar Sevilla sem vann kapphlaupið um hann.
Sevilla missti á dögunum Steven N'Zonzi til Roma og kemur Gonalons væntanlega til með að fylla skarð hans.
Sevilla hóf leik í spænsku úrvalsdeildinni um helgina og sigraði nýliða Rayo Vallecano örugglega, 4-1.
Athugasemdir