Hinn gífurlega eftirsótti Miralem Pjanic er búinn að framlengja samning sinn við Juventus og er nú bundinn félaginu þar til í júní 2023.
Pjanic er 28 ára gamall miðjumaður og var sterklega orðaður við stórlið á borð við Real Madrid, Barcelona og PSG í sumarglugganum.
Pjanic kom til Juve fyrir tveimur árum þegar Ítalíumeistararnir virkjuðu 32 milljón evra kaupákvæði í samning hans hjá Roma.
Pjanic, sem á 79 landsleiki að baki fyrir Bosníu og Hersegóvínu, mun fá 6.5 milljónir evra á ári auk bónusa.
Þetta er talsverð bæting á samningi. Áður var Pjanic samningsbundinn til 2021 og fékk 4.5 milljónir í árslaun.
OFFICIAL: @Miralem_Pjanic extends Juventus contract through 2023!
— JuventusFC (@juventusfcen) August 21, 2018
🗞➡️ https://t.co/eU4wozSP1T#ForzaJuve 🏳🏴 pic.twitter.com/ez8vcrUnma
Athugasemdir