Ganso farinn til Sao Paulo (Staðfest)

Hann hefur leikið 8 leiki með brasilíska landsliðinu og var hann meðal annars í hópnum sem lék á Ólympíuleikunum í sumar.

Samtals greiðir Sao Paulo um 7,5 milljónir punda fyrir þriðjungshlut í Ganso sem Santos átti, en 68% er áfram í eigu þriðja aðila.

Þessi stórefnilegi 22 ára leikmaður hefur reglulega verið orðaður við stórlið í Evrópu og voru Lundúnarliðin Arsenal og Tottenham bæði sögð hafa augastað á honum.

Þrátt fyrir ungan aldur lék Ganso yfir 160 leiki fyrir Santos á ferli sínum með félaginu.