Fotbolti.net
21.09.17 - 18:26
Elvar Geir Magnússon

ÍA fallið úr Pepsi-deildinni (Staðfest)

Jón Þór Hauksson.

Jón Þór Hauksson.

Canon

Mynd: Fótbolti.net - Hafliði Breiðfjörð

ÍA á ekki lengur möguleika á því að halda sæti sínu í Pepsi-deildinni. Það varð ljóst eftir að FH mistókst að vinna Fjölni í Grafarvoginum í dag. Fjölnir vann óvæntan 2-1 sigur.

Skagamenn eru því fallnir þegar tvær umferðir eru eftir af deildinni.
Liðið hefur aðeins unnið þrjá af tuttugu leikjum sínum í deildinni í sumar, skorað 28 mörk en fengið 41 á sig.

Þetta fornfræga félag hefur 18 sinnum orðið Íslandsmeistari, síðast árið 2001. Liðið féll úr efstu deild 2013 en komst beint upp aftur. Liðið hafnaði í 7. sæti 2015 en 8. sæti 2016.

Liðið hefur verið við fallsvæðið í allt sumar og hætti Gunnlaugur Jónsson sem þjálfari liðsins fyrir mánuði síðan. Jón Þór Hauksson, aðstoðarmaður Gunnlaugs, tók við stjórnartaumunum.

Ekki er vitað hver muni stýra ÍA í Inkasso-deildinni á næsta tímabili en Jón Þór hefur sjálfur lýst því yfir að hann vilji halda áfram.

Sjá einnig:
Fjölnir 2 - 1 FH
Skagamenn eru fallnir.

Skagamenn eru fallnir.

Canon

Mynd: Fótbolti.net - Hafliði Breiðfjörð

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.