Fotbolti.net
21.11.26 - 14:21
Brynjar Ingi Erluson

England: Man City heldur áfram að misstíga sig

Man City er án sigurs í síðustu fjórum leikjum

Man City er án sigurs í síðustu fjórum leikjum

Canon

Mynd: EPA

Manchester City 1 - 1 Fulham
0-1 Rodrigo Muniz ('16 )
1-1 Elliot Anderson ('57 )
Manchester City og Fulham gerðu 1-1 jafntefli í 11. umferð ensku úrvalsdeildarinnar á Etihad-leikvanginum í dag. Heimamenn náðu ekki að bæta upp fyrir slakan fyrri hálfleik og eru nú án sigurs í fjórum deildarleikjum í röð.

Upplegg Enzo Maresca, stjóra Man City, var nokkuð undarlegt, en leikmenn hans virtust hafa lítinn áhuga á að pressa Fulham hátt uppi. Gestirnir fengu því nægan tíma til að spila boltanum út úr vörninni og halda honum innan liðsins án mikillar pressu.

Brasilíski framherjinn Rodrigo Muniz kom Fulham yfir á 16. mínútu þegar hann fékk boltann frá Oscar Bobb inni í miðjum vítateignum og kláraði færið frábærlega með skoti upp í hægra hornið.

Þrátt fyrir að lenda undir sýndu leikmenn City litla ákefð í að vinna boltann til baka og heyrðust hávær baul frá stuðningsmönnum heimaliðsins, sem voru greinilega ósáttir við frammistöðuna.

City fékk þó sín færi, en Erling Braut Haaland fór óvenju illa með þau. Phil Foden sendi hann meðal annars einan í gegn, en Norðmaðurinn þrumaði boltanum hátt yfir markið. Þá átti hann aðra slaka tilraun úr miðjum vítateignum.

Fulham leiddi því 1-0 í hálfleik, en City mætti af meiri krafti til leiks í þeim síðari og tókst að jafna metin.

Elliot Anderson skoraði stórglæsilegt jöfnunarmark eftir hornspyrnu frá Foden. Boltinn var skallaður út að vítateigslínunni þar sem Anderson beið og hamraði honum viðstöðulaust í vinstra hornið. Algjör negla frá Englendingnum.

Eftir jöfnunarmarkið fengu bæði lið tækifæri til að ná forystunni. Anderson átti skot sem fór rétt framhjá og Muniz var sömuleiðis nálægt því að skora sitt annað mark, en Gianluigi Donnarumma sá við honum.

Sigurmarkið lét hins vegar á sér standa og 1-1 jafntefli varð niðurstaðan á Etihad. City er áfram í þriðja sæti deildarinnar, nú með 22 stig, fimm stigum á eftir Arsenal sem á leik gegn Newcastle síðar í dag. Fulham situr hins vegar í 14. sæti með 11 stig.
Rodrigo Muniz kom Fulham í forystu

Rodrigo Muniz kom Fulham í forystu

Canon

Mynd: EPA

Elliot Anderson skoraði glæsilegt mark

Elliot Anderson skoraði glæsilegt mark

Canon

Mynd: EPA

Premier league - karlar

#LiðLmunStig
1Arsenal10+1027
2Brighton10+1922
3Man City11+822
4Liverpool10+418
5Chelsea10+316
6Everton10+216
7Bournemouth10+215
8Brentford10+514
9Leeds10+214
10Aston Villa10-313
11Tottenham10-112
12Newcastle10-312
13Hull City10011
14Fulham11-211
15Ipswich Town10-511
16Nott. Forest10-49
17Coventry10-99
18Man Utd10-58
19Sunderland10-98
20Crystal Palace10-147
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.