Fotbolti.net
21.11.26 - 11:06
Brynjar Ingi Erluson

Betri fréttir af Olise en Kane

Betri fréttir af Olise en Kane
Canon

Mynd: EPA

Franski vængmaðurinn Michael Olise verður ekki lengi frá vegna meiðsla, en þetta staðfestir þýska félagið Bayern München.
Kane meiddist illa á ökkla
TENGT EFNI

Kane meiddist illa á ökkla

Bæði Harry Kane og Olise þurftu að fara af velli snemma í 1-1 jafntefli Bayern gegn Ísaki Bergmann Jóhannessyni og félögum í Köln í gær.

Ljóst er að Kane verður frá keppni í nokkra mánuði eftir að hafa slitið liðband í ökkla, en Olise slapp mun betur.

Frakkinn er aðeins með mar á fæti og er búist við að hann snúi aftur á völlinn strax í næstu viku.

Það hefði verið gríðarlegt áfall fyrir Bayern að missa tvo af sínum afkastamestu leikmönnum í langan tíma, en Olise hefur komið að nítján mörkum í öllum keppnum á tímabilinu á meðan Kane hefur komið að tuttugu.

Bayern trónir á toppi þýsku deildarinnar með 22 stig, einu stigi meira en Borussia Dortmund sem á þó leik til góða.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.