Rudi Garcia hættir sem þjálfari Marseille

Rudi Garcia mun láta af störfum sem þjálfari franska liðsins Marseille á föstudaginn, eftir leik liðsins gegn Montpellier í lokaumferðinni.

Garcia, sem er fyrrum stjóri Roma, hefur haldið um stjórnartaumana hjá Marseille frá 2016.

Á fréttamannafundi í dag sagði hann að þetta tímabil hefði verið vonbrigði en Marseille situr í sjötta sæti.