Toney og David á blaði Man Utd - Bayern vill varnarmann Liverpool - Chelsea endurvekur áhuga á Duran - Luiz nálgast Juventus
   mið 22. maí 2024 00:05
Elvar Geir Magnússon
Sterkasta lið 7. umferðar - Bjargaði stigi á dramatískan hátt
Patrik Johannesen skoraði fyrir Breiðablik.
Patrik Johannesen skoraði fyrir Breiðablik.
Mynd: Fótbolti.net - Hafliði Breiðfjörð
Luke Rae var maður leiksins í Krikanum.
Luke Rae var maður leiksins í Krikanum.
Mynd: Fótbolti.net - J.L.
Hans Viktor varnarmaður KA.
Hans Viktor varnarmaður KA.
Mynd: Fótbolti.net - Sævar Geir Sigurjónsson
Sterkasta lið 7. umferðar Bestu deildarinnar hefur verið valið. Þjálfari umferðarinnar er Halldór Árnason hjá Breiðabliki eftir 2-1 sigur gegn Stjörnunni í kvöld.

Patrik Johannesen skoraði fyrra mark Blika og er í úrvalsliðinu, líkt og Kristinn Jónsson sem átti afbragðs góðan leik.



Blikar halda áfram að elta Víking sem er þremur stigum fyrir ofan á toppi deildarinnar. Víkingur átti ekki í vandræðum með Vestra og vann 4-1 sigur þar sem Danijel Dejan Djuric skoraði tvívegis. Gunnar Vatnhamar var traustur að vanda og er í þriðja sinn í úrvalsliðinu.

Árni Marinó Einarsson ver mark Sterkasta liðsins en hann bjargaði stigi fyrir ÍA gegn Fram í 1-1 jafntefli. Hann átti magnaða markvörslu í blálok leiksins úr dauðafæri Framara, dramatísk stund því dómarinn flautaði leikinn svo strax af. Fred þótti bestur Framara.

KA vann sinn fyrsta sigur í deildinni þegar liðið lagði botnlið Fylkis 4-2. Hans Viktor Guðmundsson er í vörn úrvalsliðsins en Daníel Hafsteinsson skoraði tvö og var valinn maður leiksins.

Luke Rae í KR var valinn maður leiksins í sigri gegn FH. Þrátt fyrir að vera í tapliði kemst Kjartan Kári Halldórsson einnig í úrvalsliðið en hann var allt í öllu í sóknarleik Hafnfirðinga.

Sterkasti leikmaður umferðarinnar er Jónatan Ingi Jónsson sem skoraði bæði mörk Vals í 2-1 útisigri gegn HK í Kórnum.

Fyrri úrvalslið
Sterkasta lið 6. umferðar
Sterkasta lið 5. umferðar
Sterkasta lið 4. umferðar
Sterkasta lið 3. umferðar
Sterkasta lið 2. umferðar
Sterkasta lið 1. umferðar
Innkastið - Aftur verður FH fyrir barðinu á dómaramistökum
Besta-deild karla
Lið L U J T Mörk mun Stig
1.    Víkingur R. 10 8 1 1 25 - 10 +15 25
2.    Breiðablik 10 7 1 2 24 - 12 +12 22
3.    Valur 10 6 3 1 23 - 12 +11 21
4.    FH 9 4 2 3 16 - 16 0 14
5.    ÍA 9 4 1 4 18 - 13 +5 13
6.    Fram 9 3 4 2 12 - 12 0 13
7.    Stjarnan 10 4 1 5 17 - 18 -1 13
8.    KR 9 3 2 4 18 - 19 -1 11
9.    Vestri 9 3 1 5 11 - 20 -9 10
10.    HK 9 2 1 6 8 - 17 -9 7
11.    KA 9 1 2 6 13 - 23 -10 5
12.    Fylkir 9 1 1 7 12 - 25 -13 4
Athugasemdir
banner
banner
banner
banner