Þrír varnarmenn í bann eftir gærdaginn

Þrír leikmenn í Bestu deildinni eru sjálfkrafa komnir í bann eftir að hafa fengið sitt fjórða gula spjald í Bestu deildinni í gærkvöldi.

Guðmundur Kristjánsson, Ívar Örn Árnason og Haraldur Einar Ásgrímsson verða ekki með liðum sínum í 12. umferð Bestu deildarinnar.

Guðmundur, sem er fyrirliði Stjörnunnar, fékk gult gegn ÍBV í gær og verður ekki með gegn KA á sunnudag. Ívar Örn, leikmaður Breiðabliks, fékk sitt fjórða gula spjald gegn KA og verður ekki með gegn Víkingi á fimmtudagskvöld. Haraldur Einar, leikmaður Fram, fékk gult gegn Víkingi í gær og verður ekki með gegn ÍA næsta mánudagskvöld.