Lestu um leikinn: KR 2 -  2 Fjölnir

„Vonbrigði að hafa ekki náð að klára leikinn og unnið hann eftir að hafa komist yfir, við fáum mark á okkur strax eftir það. Áttum fullt af færum til að klára leikinn og fullt af góðum opnunum sem við nýttum okkur ekki."

„Ég er fyrst og fremst ósáttur með að vinna ekki leikinn en við tökum stigið þótt við séum ekki sáttir með það en það er betra en ekkert."

Stefán Árni Geirsson og Kristinn Jónsson eru báðir frá vegna meiðsla og er óljóst hvenar þeir snúa til baka og Arnór Sveinn bættist á meiðslalista KR-inga eftir að hafa fengið þungt högg á lærið í lok leiks.

„Þeir eru báðir frá í einhvern tíma og það er algjörlega óvíst hversu lengi."

KR fer norður á Akureyri í næstu umferð og mætir þar KA mönnum. Hvernig lýst Rúnari á það verkefni?

„Það verður mjög erfitt verkefni, erfitt að spila fyrir norðan. Þeir fengu nýjan þjálfara sem er að gera frábæra hluti með liðið. Arnar er góður vinur minn þannig það verður gaman að fara norður en á sama skapi mjög erfitt að eiga við þá, þeir eru gríðarlega vel skipulagðir og eru búnir að spila tvo flotta leiki eftir að Arnar tók við."

Viðtalið í heild sinni má sjá í sjónvarpinu hér að ofan.