Gylfi Þór Sigurðsson er á meðal varamanna Lyngby í leiknum en búist er við því að hann komi inn af bekknum og spili sinn fyrsta leik í tvö ár.

„Ég valdi Lyngby aðallega út af Frey (Alexanderssyni). Ég talaði líka við Alfreð (Finnbogason) um félagið. Allt sem þeir höfðu að segja var mjög jákvætt og þetta virtist bara vera rétti staðurinn fyrir mig til þess að spila fótbolta aftur," sagði Gylfi í vikunni.

Kolbeinn Finnsson, Sævar Atli Magnússon og Andri Lucas Guðjohnsen eru allir í byrjunarliði Lyngby.