Fotbolti.net
22.12.17 - 19:30
Bjarni Þórarinn Hallfreðsson

Mario Gomez genginn til liðs við Stuttgart (Staðfest)

Gomez hefur yfirgefið Wolfsburg

Gomez hefur yfirgefið Wolfsburg

Canon

Mynd: Getty Images

Þýski framherjinn Mario Gomez er genginn til liðs við Stuttgart frá Wolfsburg.

Með félagaskiptunum vonast Gomez að hann verði valinn í þýska landsliðið fyrir heimsmeistaramótið í Rússlandi næsta sumar.

Gomez hefur leikið 71 landsleik fyrir Þýskaland og skorað í þeim 31 mark.

Hann hefur hins vegar aðeins leikið í einum af síðustu leikjum Þjóðverja og var hann ekki valinn í lokahóp Þýskalands fyrir heimsmeistaramótið í Brasilíu árið 2014. Þýskaland fór þá alla leið og unnu heimsmeistaratitilinn.

Gomez hóf ferill sinn hjá Stuttgart en yfirgaf félagið árið 2009.

<i>„Ég er spenntur yfir því að vera kominn heim aftur, þar sem þetta allt byrjaði. Síðustu daga hef ég fundið fyrir því hvað mig langaði að koma aftur til Stuttgart.\"</> sagði Gomez.

<i>„Þetta er félagið sem ég ólst upp í og ég átti klikkaðan tíma hérna þegar við unnum titilinn óvænt árið 2007.\"</i>
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.