Byrjunarlið Vals og KA: Lúkas Logi og Römer byrja - Pedersen með bandið

Valur gerði 3-3 jafntefli gegn KR í síðasta deildarleik og þjálfari Vals Srdjan Tufegdzic, Túfa, tvær breytingar á liði sínu frá þeim leik. Hólmar Örn Eyjólfsson, fyrirliði Vals, er í leikbanni í dag og í hans stað kemur Marius Lundemo. Patrick Pedersen er með fyrirliðabandið. Lúkas Logi Heimisson kemur þá inn í liðið í stað Albin Skoglund sem er utan hóps í dag. Á bekknum hjá Val eru m.a. þeir Aron Jóhannsson, Kristinn Freyr Sigurðsson og Adam Ægir Pálsson.

KA tapaði 0-4 gegn Víkingi í síðasta deildarleik. Þjálfari KA, Hallgrímur Jónasson, Haddi, gerir tvær breytingar frá þeim leik. Viðar Örn Kjartansson fór meiddur af velli gegn Víkingi og er ekki með í dag. Inn fyrir hann kemur Marcel Römer sem kom frá Lyngby fyrir viku síðan. Þá kemur Kári Gautason inn í liðið fyrir Hrannar Björn Steingrímsson sem sest á bekkinn.