Snýr heim til Betis eftir fimm ár í Liverpool

Adrián er 37 ára gamall og var varamarkvörður Liverpool í fimm ár, þar sem hann fékk að spila 26 leiki fyrir félagið.

Adrián er uppalinn hjá Real Betis og er því á leið aftur heim, þar sem hann ætlar að ljúka ferlinum.

Það var fyrir tíu árum síðan sem Adrián var keyptur til West Ham frá Real Betis. Hann spilaði 150 leiki fyrir félagið áður en hann skipti til Liverpool.