„Þetta var mjög skrítinn leikur. Við vorum sterkari aðilinn í fyrri hálfleik og áttum að klára þetta. Vicente fær dauðafæri einn á móti markmanni í stöðunni 1-0. Afturelding gerði mjög lítið sóknarlega," sagði Þorlákur Árnason, þjálfari ÍBV, eftir tap gegn Aftureldingu í dag.
Lestu um leikinn: ÍBV 1 - 2 Afturelding
„Svo fáum við tvö mörk á okkur á mjög stuttum tíma, komum mjög værukærir inn í seinni hálfleikinn."
„Ef þú færð tvö mörk á þig á einni eða tveimur mínútum þá er það klárt að menn bregðast illa við. Við förum að gera hluti sem henta okkur ekkert rosalega vel, við erum lið sem viljum spila milli lína. Við höfum spilað við Breiðablik, Val og Aftureldingu núna sem sumir halda að hafa fundið upp fótboltann en þessi lið eru miklu meira í háum og löngum sendingum heldur en nokkurntíman við," sagði Láki.
„Þetta var skrítinn leikur að því leiti að þetta var allt litrofið. Fyrri hálfleikur spilaðist svona, korteri seinna var þetta svona. Þetta var upp og niður. Mikilvægi leiksins var mikið og það hafði örugglega áhrif á bæði liðin," sagði Láki.
Athugasemdir
