Þrír íslenskir leikmenn eru á lista yfir 100 bestu nýliða í NCAA háskóladeildinni í Bandaríkjunum.
Þetta eru þeir Stefán Ingi Sigurðarson (28. sæti), Axel Sigurðarson, (53.) og Viktor Helgi Benediktsson (87.). Allir eiga þeir leiki fyrir yngri landslið Íslands og fóru þeir til Bandaríkjanna í gegnum fyrirtækið Soccer and Education USA.
Þetta eru þeir Stefán Ingi Sigurðarson (28. sæti), Axel Sigurðarson, (53.) og Viktor Helgi Benediktsson (87.). Allir eiga þeir leiki fyrir yngri landslið Íslands og fóru þeir til Bandaríkjanna í gegnum fyrirtækið Soccer and Education USA.
Listinn er settur saman af Top Drawer Soccer, sem er stærsta vefsíðan sem fjallar um háskólafótboltann í Bandaríkjunum. Sjá má listann með því að smella hér.
Stefán Ingi er framherji Breiðabliks sem spilar með Boston College og hefur staðið sig virkilega vel og skorað mikilvæg mörk á tímabilinu.
Axel Sigurðarson, sem spilaði lykilhlutverk í liði Gróttu sem fór upp í Pepsi Max deildina í sumar, er í UNC Charlotte og hefur blómstrað á sínu fyrsta tímabili í Bandaríkjunum.
Viktor Helgi Benediktsson, leikmaður Stord í Noregi, er í Villanova háskólanum í Pennsylvania og er strax kominn í stórt leiðtogahlutverk í sínu liði.
Athugasemdir