Samkvæmt heimildum Fótbolta.net er umræddur leikmaður Pætur Petersen sem hefur spilað með HB undanfarin ár. Hann er réttfættur sóknarmaður sem skoraði tíu mörk í Betri deildinni á síðasta tímabili.

Hann á að baki tvo landsleiki og komu þeir báðir í nóvember. Hann verður 25 ára í mars og samkvæmt Transfermarkt lék hann oftast sem fremsti maður á síðasta tímabili en lék einnig á báðum köntum sem og sem fremsti maður á miðju.

Ef hann gengur í raðir KA verður hann þriðji leikmaðurinn sem KA, sem endaði í 2. sæti deildarinnar í fyrra, fær frá því síðasta tímabili lauk. Birgir Baldvinsson er kominn aftur úr láni frá Leikni og þá er Harley Willard kominn frá Þór.