Byrjunarlið Liverpool og West Ham: Henderson meiddur

Liverpool hafði betur er liðin mættust á London Stadium fyrir tæpum mánuði síðan. Mohamed Salah skoraði þá úr vítaspyrnu og lagði upp fyrir Alex Oxlade-Chamberlain í 0-2 sigri.

Liverpool er með 19 stiga forystu og á leik til góða á ríkjandi meistara Manchester City sem sitja í öðru sæti. West Ham er í fallsæti, einu stigi frá öruggu sæti.

Hjá toppliði ensku úrvalsdeildarinnar er fyrirliðinn Jordan Henderson meiddur. Hann kemur út úr liðinu fyrir Naby Keita. Það er eina breytingin sem Jurgen Klopp gerir frá 1-0 tapinu gegn Atletico Madrid í Meistaradeildinni í síðustu viku.

Hjá West Ham byrjar óvænt hinn 19 ára gamli Jeremy Ngakia í vörninni. Hann er hægri bakvörður sem er að spila sinn annan leik í ensku úrvalsdeildinni. Hans eini leikur til þessa kom einnig gegn Liverpool í síðasta mánuði.

Felipe Anderson kemur einnig inn í byrjunarlið West Ham og er Jarrod Bowen, sem var fenginn frá Hull City á gluggadegi, á bekknum.

Hér að neðan má sjá byrjunarliðin.

Byrjunarlið Liverpool: Alisson, Alexander-Arnold, Robertson, Van Dijk, Gomez, Fabinho, Keita, Wijnaldum, Mane, Salah, Firmino.
(Varamenn: Adrian, Lovren, Oxlade-Chamberlain, Minamino, Lallana, Origi, Matip)

Byrjunarlið West Ham: Fabianski, Cresswell, Ngakia, Diop, Ogbonna, Noble, Rice, Soucek, Snodgrass, Anderson, Antonio.
(Varamenn: Randolph, Balbuena, Zabaleta, Lanzini, Bowen, Fornals, Haller)