Lengjubikarinn: Selfoss bjargaði andlitinu undir lok leiks

Selfoss og Augnablik áttust við í riðli númer 1 í B-deild Lengjubikarsins en Selfoss lenti í kröppum dansi með 3. deildarliðið.

Leikurinn fór fram á Jáverk vellinum en eftir klukkutíma leik var Augnablik tveimur mörkum yfir. Guðni Rafn Róbertsson og Breki Barkarson gerðu mark gestanna.

Selfoss sótti mikið undir lok leiks og náði að bjarga stiginu. Jón Vignir Pétursson minnkaði muninn þegar fjórar mínútur voru til leiksloka og það var svo Elías Karl Heiðarsson sem jafnaði í uppbótartímanum.

Selfoss er nú með tvö stig eftir tvo leiki en Augnablik með fjögur stig.