Sancho, Sesko, Mac Allister, Ten Hag, Raya og fleiri góðir koma við sögu
banner
   mið 24. apríl 2024 14:00
Guðmundur Aðalsteinn Ásgeirsson
Tveir uppaldir skipta heim í Hauka úr Bestu deildar félögum (Staðfest)
Óliver Steinar Guðmundsson.
Óliver Steinar Guðmundsson.
Mynd: Fótbolti.net - Hulda Margrét
Tveir leikir eru búnir að skipta yfir í Hauka í 2. deild á gluggadeginum í dag. Um er að ræða leikmenn sem eru báðir uppaldir hjá félaginu, Hallur Húni Þorsteinsson og Óliver Steinar Guðmundsson.

Hallur Húni er varnarmaður sem er fæddur árið 2003. Hann skiptir alfarið yfir í Hauka frá Fylki eftir að hafa verið á láni í Hafnarfirðinum í fyrra.

Hallur, sem lék í yngri flokkum Hauka áður en hann fór í Fylki, spilaði tíu leiki með Haukum í 2. deild í fyrra.

Óliver Steinar er miðjumaður sem er fæddur árið 2004. Hann skiptir yfir frá Val og kemur alfarið yfir í Hauka.

Óliver samdi við Val fyrir síðasta sumar eftir dvöl hjá Atalanta á Ítalíu. Hann fór til Atalanta eftir sumarið 2020 og lék þar með unglingaliðum félagsins.

Miðjumaðurinn kom við sögu í einum leik með meistaraflokki Vals síðasta sumar en hann byrjaði í 4-1 sigri liðsins gegn RB í Mjólkurbikarnum. Hann spilaði mestmegnis með 2. flokki á síðasta ári en mun núna leika með meistaraflokki Hauka í 2. deild.

Það er spurning hvort blekið sé þornað á Ásvöllum í dag.
Athugasemdir
banner
banner