Bournemouth skoraði fjögur og Southampton vann

Como og Paris FC gerðu 2-2 jafntefli þar sem Pablo Pagis setti bæði mörk Paris og komst Anastasios Douvikas á blað hjá lærlingum Cesc Fábregas í Como.

Enska úrvalsdeildarfélagið Bournemouth lagði þá St. Pauli að velli eftir að hafa lent undir í fyrri hálfleik. Ben Doak byrjaði á bekknum en var skipt inná snemma vegna meiðsla hins tvítuga Remy Rees-Dottin.

Doak, sem var með Skotlandi á HM í sumar, jafnaði metin á 25. mínútu og náði táningurinn Harold William forystunni svo staðan var 2-1 í hálfleik.

Daniel Jebbison og Bafode Diakite komu inn af bekknum í hálfleik og gerðu út um viðureignina með sitthvoru markinu skömmu síðar, svo lokatölur urðu 4-1.

Bournemouth á leiki við Augsburg, Genoa, Real Betis og Mainz fyrir upphafsflautið á nýju tímabili í ensku úrvalsdeildinni.

Damion Downs skoraði þá eina markið í sigri Southampton gegn Braunschweig á meðan Monza hafði óvænt betur gegn Galatasaray þökk sé marki og stoðsendingu frá Patrick Cutrone.

Ainsley Maitland-Niles og Alejandro Gomes Rodriguez skoruðu mörkin í sigri Lyon gegn Wolfsburg, Freiburg lagði Derby County að velli og hafði Swansea betur gegn Udinese.

Nokkur stórveldi frá Sádi-Arabíu áttu einnig leiki. Malcom skoraði bæði mörkin í sigri Al-Hilal gegn suður-afríska stórveldinu Mamelodi Sundowns á meðan Matheus Goncalves gerði eina mark Al-Ahli í tapi gegn Vitoria Guimaraes.

Moussa Dembélé og Joao Costa komust að lokum á blað í jafntefli hjá Al-Ettifaq.

Como 2 - 2 Paris FC
1-0 Alessandro Gabrielloni ('26)
1-1 Pablo Pagis ('30)
1-2 Pablo Pagis ('36)
2-2 Anastasios Douvikas ('86)

Bournemouth 4 - 1 St. Pauli
0-1 Martijn Kaars ('22)
1-1 Ben Doak ('25)
2-1 Harold William ('37)
3-1 Daniel Jebbison ('47)
4-1 Bafode Diakite ('52)

Braunschweig 0 - 1 Southampton

Galatasaray 0 - 2 Monza

Wolfsburg 0 - 2 Lyon

Freiburg 3 - 1 Derby

Swansea 2 - 0 Udinese

Antwerp 3 - 0 Olympiakos

Elche 0 - 0 Johor DT

Al-Hilal 2 - 0 Mamelodi Sundowns

Al-Ahli 1 - 3 Vitoria Guimaraes

York City 2 - 2 Al-Ettifaq