24.09.22 - 08:30
Brynjar Ingi Erluson
Sævar Atli kominn í bann - Missir af seinni leiknum gegn Tékkum
Sævar Atli Magnússon
Mynd: Fótbolti.net - Hafliði Breiðfjörð
Sævar Atli Magnússon
Mynd: Fótbolti.net - Hafliði Breiðfjörð
Sævar Atli Magnússon, lykilmaður U21 árs landsliðsins, verður ekki með liðinu í síðari umspilsleiknum gegn Tékklandi á þriðjudag þar sem hann er kominn í bann.
Leiknismaðurinn var í byrjunarliði Íslands í 2-1 tapinu fyrir Tékkum á Víkingsvelli í gær en hann skoraði mark Íslands á 26. mínútu úr vítaspyrnu sem hann fiskaði sjálfur.
Á 77. mínútu leiksins fékk hann að líta gula spjaldið og þýðir það að hann missir af síðari leiknum í Tékklandi.
Þetta var þriðja gula spjaldið sem hann fær í undankeppninni og fer því sjálfkrafa í eins leiks bann.
Góðu fréttirnar eru þær að Kristian Nökkvi Hlynsson hefur tekið út sitt leikbann og mætir því ferskur í síðari leikinn, en hann er með sex mörk og fimm stoðsendingar í undankeppninni til þessa.
Á 77. mínútu leiksins fékk hann að líta gula spjaldið og þýðir það að hann missir af síðari leiknum í Tékklandi.
Þetta var þriðja gula spjaldið sem hann fær í undankeppninni og fer því sjálfkrafa í eins leiks bann.
Góðu fréttirnar eru þær að Kristian Nökkvi Hlynsson hefur tekið út sitt leikbann og mætir því ferskur í síðari leikinn, en hann er með sex mörk og fimm stoðsendingar í undankeppninni til þessa.
