Fannar sáttur eftir fyrsta markið: Þetta er draumur

Það hlýtur að vera geggjuð tilfinning að skora fyrsta markið í meistaraflokki?

„Bara geggjað. Fyrsta markið, þetta er bara draumur.“

Það er ekki oft sem maður sér ellefu marka leik. Hvernig er að spila svona leik?

„Þetta er svakalegt. Þetta er bara það skemmtilegasta sem maður gerir.“

Þú ferð svo til Nordsjælland næsta sumar. Hvernig leggst það í þig?

„Bara frábærlega, mjög spennandi.“

Stefnirðu á að byrja næsta tímabil með KR?

„Já, ég tek fyrstu þrjá mánuðina hér og svo fer ég út frá og með júlí.“

Þið endið tímabilið í öðru sæti. Hvernig meturðu tímabilið í heild sinni?

„Bara geggjað. Ég meina, við vorum í fallbaráttu í fyrra og núna erum við hér. Þetta er bara frábært og meira á eftir að koma. Ég er virkilega sáttur með að enda þetta á svona góðum nótum. Bara mjög geggjað.“