„Frábær sigur, mikill karakter að spila einum færri heilan hálfleik og ná að halda hreinu og vinna þetta," sagði Sigurður Heiðar Höskuldsson, þjálfari Þórs, eftir sigur á KA eftir vítaspyrnukeppni í úrslitum Kjarnafæðimótsins í kvöld.
Lestu um leikinn: KA 5 - 6 Þór
„Við vorum góðir taktískt í fyrri hálfleik. Ég hefði viljað sjá okkur komast í stöður til að gera betur, það voru mikið af tæknifeilum. Við töluðum um það í hálfleik að ef við hefðum verið meira 'on' í tæknilegu hliðinni hefðum við verið ofan á í leiknum. Við þurftum svo bara grænda í seinni hálfleik og gerðum það ofboðslega vel, hrikalega stoltur af liðinu að klára þetta," sagði Siggi.
Þór skoraði mark undir lok fyrri hálfleiks sem var dæmt af vegna rangstöðu en það þótti umdeildur dómur.
„Einhver sem var rangstæður hafi haft áhrif á varnarmanninn. Ég held að það hafi verið mjög skrítinn dómur en ég er ekki dómbær um það, ég sá þetta ekki nógu vel," sagði Siggi.
Athugasemdir
