| lau 25. maí 2019 18:01 |
|
Inkasso: Fyrsta stig Magna kom gegn Fram
Bjarni skoraði beint úr aukaspyrnu.
1-0 Bjarni Aðalsteinsson ('17)
1-1 Tiago Manuel Silva Fernandes ('60)
Magni náði í sitt fyrsta stig í Inkasso-deildinni í sumar er Fram kíkti í heimsókn. Grenvíkingar byrjuðu með vindinn í bakið og kom Bjarni Aðalsteinsson þeim yfir með marki beint úr aukaspyrnu á 17. mínútu.
Hart var barist í tíðindalitlum fyrri hálfleik en í upphafi síðari hálfleiks komust heimamenn nálægt því að skora ótrúlegt sjálfsmark. Misheppnuð hreinsun af vallarhelmingi Magna flaug í átt að markinu og tókst Aroni Elí Gíslasyni ekki að handsama knöttinn. Hann missti boltann en var sem betur fer snar í snúningum og tókst að koma í veg fyrir lygilegt jöfnunarmark.
Fram var með stjórn á leiknum og skoraði Tiago Fernandes verðskuldað jöfnunarmark eftir stungusendingu frá Haraldi Einari Ásgrímssyni á 60. mínútu.
Heimamenn komust afar nálægt því að stela sigrinum undir lokin en Kristinn Þór Rósbergsson var of lengi að átta sig og lét Ólaf Íshólm Ólafsson verja frá sér.
Fram er í sjöunda sæti, með fimm stig eftir fjórar umferðir.
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
