Þessi 30 ára gamli miðvörður gekk til liðs við Roma fyrir tímabilið á láni en hann hefur notið þess að spila á Ítalíu og reynst afar mikilvægur í vörn Rómverja.

Man Utd vildi upphaflega fá 25 milljónir evra fyrir Smalling en Roma var ekki tilbúið að greiða þá upphæð fyrir hann.

Smalling vill vera áfram í herbúðum Roma og samkvæmt Il Tempo er Man Utd tilbúið að lækka verðmiðann niður í 18 milljónir evra.

Roma er því nær því að ganga frá kaupum á Smalling en hann hefur spilað 28 leiki á þessari leiktíð, skorað 2 mörk og lagt upp eitt.