Fotbolti.net
25.07.17 - 15:02
Magnús Már Einarsson

Oliver til Bodö/Glimt (Staðfest)

Oliver, Frode Thomasson framkvæmdastjóri Bodö/Glimt og Ólafur Garðarsson umboðsmaður.

Oliver, Frode Thomasson framkvæmdastjóri Bodö/Glimt og Ólafur Garðarsson umboðsmaður.

Canon

Mynd: Bodö/Glimt

Norska félagið Bodö/Glimt hefur keypt miðjumanninn Oliver Sigurjónsson frá Breiðabliki.

Oliver er búinn að standast læknisskoðun og skrifa undir þriggja ára samningi í Noregi.
Hinn 22 ára gamli Oliver hefur einungis spilað fjóra leiki í Pepsi-deildinni í sumar en meiðsli hafa sett strik í reikninginn hjá honum.

Oliver meiddist snemma móts en hann hefur komið inn á sem varamaður í síðustu þremur leikjum Breiðabliks.

Hann lék kveðjuleik sinn með Blikum í 4-2 sigri á KA um helgina.

Bodö/Glimt féll úr norsku úrvalsdeildinni í fyrra en það er með sex stig forskot í norsku B-deildinni í augnablikinu.

Oliver var á mála hjá AGF í Danmörku á árunum 2012 til 2014 en þess fyrir utan hefur hann alltaf leikið með Breiðabliki.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.