25.08.12 - 20:32
Brynjar Ingi Erluson
Nuri Sahin til Liverpool (Staðfest)
Mynd: Heimasíða Liverpool
Mynd: Heimasíða Liverpool
Enska úrvalsdeildarfélagið Liverpool hefur fengið tyrkneska miðjumanninn Nuri Sahin á láni frá Real Madrid út tímabilið.
Sahin, sem er 23 ára gamall kom til Real Madrid frá Borussia Dortmund síðasta sumar, en honum tókst ekki að festa sig í sessi hjá spænska liðinu á síðustu leiktíð og var því ákveðið að lána hann.
Talið var að hann væri á leið til Arsenal, en Liverpool komst í bílstjórasætið á dögunum og var gengið frá samningum í dag. Hann stóðst læknisskoðun fyrr í dag og hafa nú skiptin verið staðfest.
Hann mun leika í treyju númer 4 hjá Liverpool, en síðast lék Raul Meireles í þeirri treyju og þar á undan Alberto Aquilani.
Þetta er fjórði leikmaðurinn sem Brendan Rodgers, stjóri Liverpool fær til félagsins, en þegar hefur hann fengið Fabio Borini, Joe Allen og Oussama Assaidi.
Talið var að hann væri á leið til Arsenal, en Liverpool komst í bílstjórasætið á dögunum og var gengið frá samningum í dag. Hann stóðst læknisskoðun fyrr í dag og hafa nú skiptin verið staðfest.
Hann mun leika í treyju númer 4 hjá Liverpool, en síðast lék Raul Meireles í þeirri treyju og þar á undan Alberto Aquilani.
Þetta er fjórði leikmaðurinn sem Brendan Rodgers, stjóri Liverpool fær til félagsins, en þegar hefur hann fengið Fabio Borini, Joe Allen og Oussama Assaidi.
Heimild: Heimasíða Liverpool
