Fotbolti.net
26.01.18 - 19:30
Elvar Geir Magnússon

Ágúst Freyr í Leikni (Staðfest)

Ágúst Freyr Hallson.

Ágúst Freyr Hallson.

Canon

Mynd: Fótbolti.net - Hafliði Breiðfjörð

Ágúst Freyr Hallson hefur skrifað undir tveggja ára samning við Leikni Reykjavík en þetta kemur fram á heimasíðu Breiðholtsfélagsins.
Ágúst hefur spilað fyrir HK í 1. deildinni undanfarin þrjú ár. Hann skoraði eitt mark í níu leikjum í deildinni í fyrra en það var sigurmark gegn Leikni.

Ágúst er 23 ára sóknarleikmaður, áður en hann fór til HK lék hann með Ægi í Þorlákshöfn og þar á undan Víkingi Reykjavík.

Ágúst getur leikið sinn fyrsta leik í kvöld þegar Leiknir tekur á móti Víking í Egilshöllinni klukkan 21:00.

Á dögunum fékk bakvörðurinn Hilmar Þór Hilmarsson félagaskipti í Leikni. Hann hefur síðustu tvö ár spilað með Þrótti Vogum í 3. deildinni en þar áður var hann í Gróttu.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.