Spænski varnarmaðurinn Dean Huijsen er farinn að vekja áhuga stórliða eftir stórgóða frammistöðu hans með Bournemouth síðustu mánuði, en Fabrizio Romano segir hann með klásúlu í samningnum.
Huijsen er 19 ára gamall miðvörður sem gekk í raðir Bournemouth frá Juventus síðasta sumar.
Með hann í vörninni hefur Bournemouth aðeins tapað einum leik, sem var gegn toppliði Liverpool í byrjun leiktíðar.
Bournemouth hefur unnið sex og gert fjögur jafntefli í síðustu tíu leikjum þar sem hann hefur byrjað og þá haldið hreinu í átta leikjum.
Romano segir að Huijsen sé með kaupákvæði í samningnum sem mun virkjast í sumar og alveg ljóst að baráttan verður mikil um þennan efnilega varnarmann.
Chelsea er sagt mjög hrifið af Huijsen og setur það hann ofarlega á lista fyrir sumargluggann en Bayern München hefur einnig verið upplýst um stöðu leikmannsins.
Huijsen er hluti af U21 árs landsliði Spánar en hann á einnig leiki að baki með yngri landsliðum Hollands. Báðir foreldrar leikmannsins koma frá Hollandi, en þau fluttu til Spánar þegar Dean var fimm ára gamall og er því spænskur ríkisborgari.
