„Rosalega vel. Þetta var frábær frammistaða hjá liðinu, ég held að mér og öllum í liðinu líður rosalega vel" sagði Daníel Tristan Guðjohnsen leikmaður Íslenska u21 landsliðsins eftir 6-2 sigur gegn Eistlandi á heimavelli.
Lestu um leikinn: Ísland U21 6 - 2 Eistland U21
Hvernig fannst þér að spila með Viktori Bjarka, náðu þið að spila vel saman?
„Já, mér fannst það. Þú sást í seinna markinu mínu að hann gaf stoðsendinguna á mig. Geggjað að fá að spila með honum. Við náum vel saman."
Geturðu lýst mörkunum sem þú skoraðir í dag?
„Ég fæ hann í dauðafæri frá Gísla eftir pressu. Það fyrsta sem mér dettur í hug sem framherji er að slútta og ég náði að klára það vel. Í seinna markinu var ég kominn í svolítið þröngt svæði, en sá engan inn í þannig að ég bombaði honum í þaknetið."
Hvernig líður þér með leikinn gegn Frökkum?
„Ógeðslega til í það. Sýndum rosalega góða frammistöðu í dag og sýndum eiginlega að við eigum alveg sjens í þessa Frakka. Við erum allir mjög spenntir og byrjaðir að fókusa á hann."
Er raunhæft að stefna á sigur?
„Já, mér finnst það. Allavega eftir þessa frammistöðu, þá allavega gæti verið möguleiki."
