Hópur stuðningsmanna AZ Alkmaar reyndu að ráðast inn í stúkuna þar sem vinir og fjölskyldumeðlimir leikmanna West Ham voru.
AZ Alkmaar hefur sett 43 stuðningsmenn í bann frá leikvangi sínum eftir að ráðist var á stuðningsmenn West Ham þegar hollenska liðið tapaði í undanúrslitum Sambandsdeildarinnar.
Í yfirlýsingu segir AZ að fleiri einstaklingar gætu verið settir í bann en rannsókn er ekki lokið. Þá er málið í skoðun hjá YEFA.
Í yfirlýsingu segir AZ að fleiri einstaklingar gætu verið settir í bann en rannsókn er ekki lokið. Þá er málið í skoðun hjá YEFA.
Eftir að flautað var til leiksloka þá réðst hópur stuðningsmanna AZ inn á það svæði stúkunnar þar sem vinir og ættingjar leikmanna West Ham sátu.
Heimildarmaður Guardian segir að sem betur fer hafi boltabullurnar ekki komist langt upp í stúkuna. Hann hafði mestar áhyggjur af hollenskum fjölskyldum sem festust á milli í átökunum.
„Ég biðst afsökunar á hegðun þessara manna. Maður skammast sín þegar svona gerist á eigin leikvangi. Þetta á ekki að gerast. Menn þurfa að hafa hemil á tilfinningum sínum," sagði Pascal Jansen, stjóri AZ.
West Ham vann einvígið 3-1 og mætir Fiorentina í úrslitum þann 7. júní í Prag.
Athugasemdir
