Finnst Kristall æðislegur - „Þarft að draga hann af æfingasvæðinu"

Kristall Máni spilaði allan leikinn og var öflugur í liði Víkinga sem eru í öðru sæti deildarinnar.

„Mér finnst Kristall bara æðislegur í fótbolta," sagði Arnar eftir sigurinn á Stjörnunni í gær.

„Ég hef ekkert farið í felur með þá skoðun mína. Það er mjög gaman að horfa á hann spila. Hann elskar að spila og vill helst alltaf æfa í þrjá tíma. Þú þarft að draga hann af æfingasvæðinu."

„Það er mjög gaman að vinna með honum. Hann er að stíga upp verulega sem leikmaður og persóna. Hann er ekki bara að stíga upp sóknarlega, heldur varnarlega líka. Ég held að stuðningsmenn Víkings hafi verið ánægðir með hann í kvöld."

Hægt er að sjá viðtalið við Arnar í heild sinni hér að neðan.