Stelpurnar fagna með stuðningsmönnum eftir leik.
Það voru 2175 manns sem gerðu sér ferð á Laugardalsvöll í kvöld til að styðja við kvennalandsliðið okkar þegar liðið mætti Kýpur í undankeppni HM. Leikurinn endaði með 5-0 sigri Íslands.
Á blaðamannafundi eftir leik sátu Þorsteinn Halldórsson, þjálfari, og Alexandra Jóhannsdóttir fyrir svörum og voru þau spurð út í stuðninginn á leiknum í kvöld. En þeir sem mættu létu vel í sér heyra allan leikinn.
Á blaðamannafundi eftir leik sátu Þorsteinn Halldórsson, þjálfari, og Alexandra Jóhannsdóttir fyrir svörum og voru þau spurð út í stuðninginn á leiknum í kvöld. En þeir sem mættu létu vel í sér heyra allan leikinn.
Lestu um leikinn: Ísland 5 - 0 Kýpur
Alexandra var ánægð með stuðninginn í stúkunni í dag og sagði hann hafa verið frábæran. Þá hafði hún þetta að segja þegar hún var spurð úti það hvort að stuðningurinn skipti þær miklu máli.
„ Já, klárlega, mér finnst þetta bara tólfti aðilinn inni á vellinum í öllum leikjum og það munar ekkert smá mikið að hafa fólkið í stúkunni. "
Þorsteinn segist hafa viljað sjá fleiri mæta á völlinn þegar hann var spurður út í hvort hann væri ánægður með mætinguna.
„Nei, ég vil sjá fleiri. Mér finnst að stelpurnar eigi það skilið en fólk bara velur hvort að það mætir á völlinn. Ég vil sjá fimm til sex þúsund manns allavega þegar stelpurnar eru að spila, þær eiga það bara skilið miðað við það hvað þær eru góðar."
Áhorfendur á Laugardalsvelli.
Athugasemdir
