Lingard líklega til West Ham á láni

Líklegt er að Jesse Lingard, leikmaður Manchester United, gangi í raðir West Ham á láni út tímabilið en The Athletic segir frá þessu í dag.

West Ham mun líklega greiða eina milljón punda fyrir lánssamninginn.

Hvert félag í ensku úrvalsdeildinni má vera með tvo leikmenn á láni úr ensku deildarkeppninni en West Ham er nú þegar með Craig Dawson og Said Benrahma á láni.

Líklegt er að Hamrarnir kaupi Benrahma frá Brentford og í kjölfarið verður hægt að ganga frá lánssamningi við Lingard.