Fotbolti.net
27.07.17 - 17:25
Magnús Már Einarsson

Viktor Örn í ÍA (Staðfest)

Viktor Örn Margeirsson.

Viktor Örn Margeirsson.

Canon

Mynd: ÍA

ÍA hefur fengið varnarmanninn Viktor Örn Margeirsson í sínar raðir á láni frá Breiðabliki.

Í sumar hefur Viktor leikið sex leiki með Breiðabliki í Pepsi-deildinni en hann er á eftir þeim Damir Muminovic og Elfari Frey Helgasyni í röðinni í miðvarðastöðurnar í Kópavogi.
Viktor Örn, sem er fæddur árið 1994, er uppalinn í Breiðabliki og fékk sína fyrstu meistaraflokksreynslu með Augnabliki sumarið 2013.

Tímabilið eftir spilaði hann 19 leiki með HK í fyrstu deildinni á láni áður en hann fór aftur í Breiðablik.

„Knattspyrnufélag ÍA býður Viktor Örn velkominn til félagsins og væntir mikils af honum það sem er eftir að tímabilinu,\" segir í tilkynningu frá ÍA.

Viktor gæti spilað sinn fyrsta leik með ÍA á mánudaginn þegar liðið heimsækir Val.

Þá hefur ÍA lánað bakvörðinn unga Hilmar Halldórsson í Kára sem er í toppbaráttunni í 3. deildinni. Hilmar hefur komið við sögu í fimm leikjum í Pepsi-deildinni í sumar.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.