Ísland í dag - Evrópudraumur Víkinga í húfi

Víkingar töpuðu fyrri leiknum gegn Borac í Víkinni, 3-1, og þurfa því að eiga stórleik ætli þeir sér sæti í deildarkeppni Sambandsdeildarinnar í annað sinn.

Síðari leikurinn fer fram á Gradski-leikvanginum í Banja Luka í Bosníu og verður í beinni textalýsingu hér á Fótbolti.net. Þá koma stuðningsmenn Víkings saman á Ölveri í Glæsibæ til að horfa á leikinn.

HK tekur á móti Keflavík í Lengjudeild kvenna klukkan 19:15 í Kórnum. HK getur komist upp í annað sæti með sigri og blandað sér af fullum krafti í baráttuna um sæti í Bestu deildinni.

Hvíti riddarinn fær Fjölni í heimsókn í 2. deild karla. Mosfellingar eru á botninum með 16 stig og þurfa nauðsynlega á stigum að halda í fallbaráttunni. Fjölnir er í 6. sæti með 25 stig en getur farið upp í það fjórða með sigri.

Hamar getur síðan fylgt Álftanesi upp í 3. deild með sigri á Álafossi. Gestirnir hafa þó einnig mikið að spila fyrir enda á botninum með átta stig.

Leikir dagsins:

Lengjudeild kvenna
19:15 HK-Keflavík (Kórinn)

2. deild karla
20:00 Hvíti riddarinn-Fjölnir (Malbikstöðin að Varmá)

3. deild karla
17:30 Reynir S.-Víðir (Brons völlurinn)

4. deild karla
18:00 Hamar-Álafoss (Grýluvöllur)
19:15 Elliði-Árborg (Fylkisvöllur)
19:15 Vængir Júpiters-Úlfarnir (Egilshöll)
19:15 Álftanes-ÍH (HTH völlurinn)

Sambandsdeildin
18:30 Borac-Víkingur R. (Gradski Stadion Banja Luka)