Besti þjálfarinn 2021 - Lét drauma Víkinga rætast

Það kemur engum á óvart að Fótbolti.net velur Arnar Gunnlaugsson, þjálfara Víkings, sem þjálfara ársins 2021. Valið var opinberað í Innkastinu í dag.

Sjá einnig:
Innkastið - Lokahóf eftir magnað tímabil

Arnar stýrði Víkingum til Íslandsmeistaratitils. Hann lét engan bilbug á sér finna þrátt fyrir vonbrigðatímabil í fyrra og lét drauma Víkinga rætast.

Leikmannastyrkingarnar hafa verið klókar og nánast allt sem hann hefur gert í sumar hefur gengið fullkomlega upp. Utan vallar hefur Arnar einnig heillað með nálgun sinni og framkomu.

Víkingar eru orðnir Íslandsmeistarar eftir 30 ára bið og geta unnið tvöfalt því framundan er undanúrslitaleikur gegn Vestra í bikarnum næsta laugardag.