Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
banner
   sun 28. febrúar 2021 15:00
Guðmundur Aðalsteinn Ásgeirsson
Lengjubikarinn: Valur með fullt hús og Ólsarar án stiga
Valur er með fullt hús stiga eftir þrjá leiki.
Valur er með fullt hús stiga eftir þrjá leiki.
Mynd: Fótbolti.net - Hafliði Breiðfjörð
Valur 3 - 0 Víkingur Ó.
1-0 Kaj Leo í Bartalsstovu ('27)
2-0 Sigurður Egill Lárusson ('42)
3-0 Patrick Pedersen ('81)
Rautt spjald: Patrick Pedersen, Valur ('86)

Valur vann öruggan sigur á Víkingi Ólafsvík þegar liðin áttust við á Origo-vellinum í A-deild Lengjubikarsins í dag.

Íslandsmeistarar Vals tóku forystuna á 27. mínútu þegar Færeyingurinn Kaj Leo í Bartalsstovu skoraði. Fyrir leikhlé bætti Sigurður Egill Lárusson við marki og staðan 2-0 í hálfleik fyrir heimamenn.

Patrick Pedersen innsiglaði svo sigurinn með marki á 81. mínútu og lokatölur 3-0 fyrir Val sem er með fullt hús stiga eftir þrjá leiki. Patrick, sem byrjaði á bekknum, fékk að líta rauða spjaldið stuttu eftir að hann skoraði fyrir að því virtist vera pirringsbrot.

Ólsarar eru án stiga eftir fyrstu þrjá leiki sína í mótinu en þeim var ekki spáð góðu gengi í ótímabærri spá fyrir Lengjudeildina.
Athugasemdir
banner
banner
banner