Salah var sterklega orðaður við félög í Sádi-Arabíu síðasta sumar og komu stór tilboð í hann, en hann endaði á því að vera áfram í Liverpool.

Salah, sem er 31 árs gamall, er einn besti leikmaður í sögu Liverpool en á þessu tímabili er hann búinn að skora 19 mörk í 28 leikjum.

Mido, sem spilaði á sínum tíma með Tottenham og West Ham, segir að Salah verði í Sádi-Arabíu á næsta tímabili.

„Mohamed Salah verður í Sádi-Arabíu á næsta tímabili. Það er búið að skrifa undir samning."

Salah er samningsbundinn Liverpool til 2025 og því þarf að borga ágætis upphæð fyrir hann.