ÍBV er komið í 8-liða úrslit Mjólkurbikars kvenna eftir að hafa unnið Grindavík í vítakeppni á Hásteinsvelli í dag.

Þóra Björg Stefánsdóttir kom Eyjakonum á bragðið á 10. mínútu leiksins en Grindavík jafnaði metin þegar tuttugu mínútur voru eftir er Ása Björg Einarsdóttir kom boltanum í netið.

Liðunum tókst ekki að skora í framlengingunni og þurfti því vítakeppni til að knýja fram sigurvegara.

Þar höfðu Eyjakonur betur, 5-3, og verður liðið því í pottinum á þriðjudag er dregið verður í 8-liða úrslit bikarsins.