Guimaraes, Isak, Kimmich, Diaz, Branthwaite, Mainoo og fleiri góðir í slúðri dagsins
banner
fimmtudagur 21. mars
EM umspilið
fimmtudagur 14. mars
Lengjubikar karla - Undanúrslit
sunnudagur 10. mars
Enska úrvalsdeildin
þriðjudagur 27. febrúar
Landslið kvenna - Þjóðadeild umspil
föstudagur 23. febrúar
fimmtudagur 1. febrúar
Úrslitaleikur Reykjavíkurmótsins
fimmtudagur 18. janúar
Vináttulandsleikur
sunnudagur 14. janúar
fimmtudagur 14. desember
Sambandsdeild UEFA
föstudagur 8. desember
Úrslitaleikur Bose-mótsins
þriðjudagur 5. desember
Þjóðadeild kvenna
mánudagur 4. desember
Umspil fyrir HM U20
föstudagur 1. desember
Þjóðadeild kvenna
fimmtudagur 30. nóvember
Sambandsdeild UEFA
sunnudagur 19. nóvember
Undankeppni EM
fimmtudagur 9. nóvember
Sambandsdeild UEFA
þriðjudagur 31. október
Landslið kvenna - Þjóðadeild
föstudagur 27. október
fimmtudagur 26. október
Sambandsdeild UEFA
miðvikudagur 18. október
Forkeppni Meistaradeildar kvenna
þriðjudagur 17. október
Undankeppni EM
föstudagur 13. október
þriðjudagur 10. október
Meistaradeild kvenna
sunnudagur 8. október
Besta-deild karla - Efri hluti
fimmtudagur 5. október
Sambandsdeild UEFA
mánudagur 2. október
Besta-deild karla - Efri hluti
sunnudagur 1. október
Besta-deild karla - Neðri hluti
Besta-deild karla - Efri hluti
Besta-deild karla - Neðri hluti
föstudagur 29. september
Fótbolti.net bikarinn
þriðjudagur 26. september
Landslið kvenna - Þjóðadeild
mánudagur 25. september
Besta-deild karla - Efri hluti
sunnudagur 24. september
Besta-deild karla - Neðri hluti
Besta-deild karla - Efri hluti
Besta-deild karla - Neðri hluti
Lengjudeild karla - Umspil
laugardagur 23. september
Besta-deild karla - Neðri hluti
Fótbolti.net bikarinn
föstudagur 22. september
Landslið kvenna - Þjóðadeild
fimmtudagur 21. september
Sambandsdeildin
miðvikudagur 20. september
Besta-deild karla - Efri hluti
Lengjudeild karla - Umspil
Besta-deild karla - Neðri hluti
mánudagur 18. september
fimmtudagur 14. september
Besta-deild kvenna - Efri hluti
miðvikudagur 13. september
þriðjudagur 12. september
Undankeppni EM U21 landsliða
mánudagur 11. september
Undankeppni EM
sunnudagur 10. september
Besta-deild kvenna - Neðri hluti
þriðjudagur 19. mars
CHAMPIONS LEAGUE: Playoffs - Women
Ajax W - Chelsea W - 17:45
SL Benfica W - Lyon - 20:00
fös 29.maí 2020 14:00 Mynd: Fótbolti.net - Eyjólfur Garðarsson
Magazine image

Spá Fótbolta.net - 11. sæti: Grótta

Sérfræðingar Fótbolta.net spá því að nýliðar Gróttu muni enda í 11. sæti í Pepsi Max-deildinni í sumar. Álitsgjafar spá í deildina en þeir raða liðunum upp í röð og það lið sem er í efsta sæti fær 12 stig, annað sæti 11 og svo koll af kolli niður í tólfta sæti sem gefur eitt stig. Grótta endar í næstneðsta sæti ef spáin rætist.

Grótta fagnar marki.
Grótta fagnar marki.
Mynd/Fótbolti.net - Eyjólfur Garðarsson
Pétur Theódór Árnason.
Pétur Theódór Árnason.
Mynd/Fótbolti.net - Eyjólfur Garðarsson
Arnar Þór Helgason.
Arnar Þór Helgason.
Mynd/Fótbolti.net - Eyjólfur Garðarsson
Axel Freyr Harðarson.
Axel Freyr Harðarson.
Mynd/Fótbolti.net - Eyjólfur Garðarsson
Hákon Rafn Valdimarsson
Hákon Rafn Valdimarsson
Mynd/Fótbolti.net - Eyjólfur Garðarsson
Spáin:
1. ?
2. ?
3. ?
4. ?
5. ?
6. ?
7. ?
8. ?
9. ?
10. ?
11. Grótta 20 stig
12. Fjölnir 14 stig

Um liðið: Grótta kom öllum á óvart með því að vinna 1. deildina síðastliðið sumar. Grótta fór upp úr 2. deildinni árið 2018 en Seltirningar hafa mikið flakkað á milli 1 og 2. deildar undanfarin ár. Í fyrra fór liðið fljótlega í toppbaráttuna í 1. deildinni og endaði á að tryggja sér sigur í deildinni í lokaumferðinni. Grótta spilar því í fyrsta skipti í efstu deild í sumar og mikil spenna er fyrir sumrinu á Seltjarnarnesi.

Þjálfari - Ágúst Gylfason: Óskar Hrafn Þorvaldsson tók við Breiðabliki síðastliðið haust eftir að hafa farið upp um deild tvö ár í röð með Gróttu. Ágúst Gylfason skipti um þjálfaraúlpu vð Óskar og tók við starfi hans á Seltjarnarnesi. Ágúst hefur endað í 2. sæti með Breiðablik undanfarin tvö ár auk þess sem liðið fór í bikarúrslit 2018. Áður en Águst tók við Blikum stýrði hann Fjölni í áraraðir.

Styrkleikar: Stemningin í Gróttu liðinu er mikil og leikmenn sem og stuðningsmenn eru staðráðnir í að láta til sín taka í deildinni. Föst leikatriði skiluðu Gróttu mjög mörgum mörkum í fyrra en liðið er með nokkra hávaxna leikmenn í sínu liði. Leikmannahópurinn hefur lítið breyst undanfarin ár og leikmenn þekkja hvorn annan inn og út. Leikstíll liðsins gæti þó breyst undir stjórn Gústa í sumar.

Veikleikar: Grótta hefur ekki fengið mikinn liðsstyrk í vetur og spurning er hvort hópurinn sé nægilega öflugur fyrir Pepsi Max-deildina. Mjög fáir leikmenn liðsins hafa reynslu af því að spila í efstu deild og eru óreyndir á stóra sviðinu. Í fyrra spilaði Grótta sóknarbolta og stjórnaði oftast ferðinni í leikjum sínum. Það verður mun erfiðara í sumar og spurning er hvernig varnarleikurnn gengur þegar andstæðingarnir stjórna leikjunum.

Lykilmenn: Pétur Theodór Árnason og Hákon Rafn Valdimarsson. Pétur var markahæstur í 1. deildinni í fyrra ásamt Helga Guðjónssyni en hann skoraði fimmtán mörk. Stór og stæðilegur framherji sem gæti valdið usla í vörnum andstæðinga í sumar. Hákon er mjög efnilegur markvörður sem var í lykihlutverki hjá Gróttu í fyrra. Öflugur á milli stanganna og mikilvægur í uppspili Gróttu.

Gaman að fylgjast með: Axel Freyr Harðarson og Arnar Þór Helgson. Axel Freyr er snöggur og kröftugur kantmaður sem átti frábært tímabil í fyrra. Arnar er hávaxinn varnarmaður sem er harður í horn að taka. Skoraði nokkur mikilvæg mörk eftir föst leikatriði í fyrra.

Spurningarnar: Er Grótta með nægilega sterkan hóp fyrir Pepsi Max-deildina? Munu föstu leikatriðin halda áfram að gefa liðinu í sumar? Gengur upp að hafa lið í efstu deild með leikmenn sem fá ekki greidd laun?

Völlurinn: Vivaldi-völlurinn á Seltjarnarnesi. Unnið hefur verið í vallarsvæðinu í vetur og verið er að bæta við sætum í stúkuna. Skemmtileg stemning myndaðist á leikjum í Seltjarnarnesi í fyrra.

Formaðurinn segir - Birgir Tjörvi Pétursson
„Mér hafði verið lofað í viðtali hja ykkur að Gróttuliðinu yrði spáð neðsta sætinu fram undir mót. Það er athyglisvert að sjá að það loforð hafi verið svikið. Það hefur legið í loftinu alveg frá því í haust að Gróttu yrði spáð falli og það getur ekki komið okkur á óvart. Það er strákanna að afsanna spána. Ég er mjög bjartsýnn á frammistöðu drengjana. Þeir hafa æft af miklum krafti og það er mikill hugur í þeim. Ég er bjartsýnn á að þeir nýti þetta tækifæri til hins ítrasta."

Komnir:
Ágúst Freyr Hallsson frá ÍR
Karl Friðleifur Gunnarsson frá Breiðabliki á láni

Farnir:
Halldór Jón Sigurður Þórðarson í Víking R. (Var á láni)
Orri Steinn Óskarsson í FC Kaupmannahöfn

Fyrstu fimm leikir Gróttu:
14. júní Breiðablik - Grótta
20. júní Grótta - Valur
29. júní Fylkir - Grótta
4. júlí Grótta - HK
8. júlí Fjölnir - Grótta

Sjá einnig:
Hin hliðin - Karl Friðleifur Gunnarsson
Hin hliðin - Hákon Valdimarsson

Leikmenn Gróttu sumarið 2020:
Hákon Rafn Valdimarsson-1
Arnar Þór Helgason-2
Bjarki Már Leósson-3
Bjarni Rögnvaldsson-4
Patrekur Orri Pétursson-5
Sigurvin Reynisson-6
Pétur Theodór Árnason-7
Júlí Karlsson-8
Axel Sigurðarson-9
Kristófer Orri Pétursson-10
Sölvi Björnsson-11
Jón Ívan Rivine-12
Daði Már Patrekur Johanesson-13
Ágúst Freyr Hallson-14
Halldór Kristján Baldursson-15
Kristófer Melsted-16
Agnar Guðjónsson-17
Kjartan Kári Halldórsson-18
Axel Freyr Harðarson-19
Karl Friðleifur Gunnarsson-20
Óskar Jónsson-21
Ástbjörn Þórðarson-22
Dagur Guðjónsson-23
Valtýr Már Michaelsson-25
Gabríel Hrannar Eyjólfsson-26
Gunnar Jónas Hauksson-27
Grímur Ingi Kjartansson-28
Oliver Dagur Thorlacius-29
Theodór Árni Mathiesen-33

Spámennirnir: Arnar Daði Arnarsson, Benedikt Bóas Hinriksson, Elvar Geir Magnússon, Guðmundur Aðalsteinn Ásgeirsson, Gunnar Birgsson, Hafliði Breiðfjörð, Ingólfur Sigurðsson, Magnús Már Einarsson, Sverrir Einarsson, Sæbjörn Þór Þórbergsson Steinke, Tómas Þór Þórðarson
Athugasemdir
banner
banner
banner