Árni Elvar eftir síðasta leikinn á ferlinum: Þetta er ein stór fjölskylda

Síðasti leikurinn á ferlinum. Hvernig líður þér eftir sigurinn?

„Frábærlega. Þetta var fyrsti leikurinn sem ég byrjaði í í sumar. Ég ætlaði að enda ferilinn á að spila og fékk tækifæri til þess.“

Þú fékkst rautt spjald undir lokin. Hvað gerðist?

„Ég skellti mér upp í loftið, sparkaði í andlitið á honum og þetta
gerðist beint fyrir framan dómarann.“

Þú hefur spilað níu tímabil með Leikni. Hvað þýðir það fyrir þig að enda ferilinn á svona góðum nótum?

„Þetta er félagið mitt. Fólkið tók vel á móti mér og Leiknir er ein stór fjölskylda. Það eru fáir í kringum félagið en allir gera þetta af hug og hjarta. Það er mikill heiður að hafa spilað fyrir Leikni.“

Veistu hvað tekur við?

„Ég á von á barni. Ég verð áfram í kringum félagið að þjálfa og miðla reynslu minni til yngri kynslóðarinnar. Ég vil hjálpa til við að gera hópinn betri til framtíðar.“

Viðtalið í heild sinni má sjá í spilaranum hér fyrir ofan