29.08.26 - 18:00
Sverrir Örn Einarsson
Lengjudeildin: Völsungur á lífi fyrir lokaumferðina
Elvar skoraði fyrir Völsung í dag
Mynd: Fótbolti.net - Haukur Gunnarsson
Elvar skoraði fyrir Völsung í dag
Mynd: Fótbolti.net - Haukur Gunnarsson
21.umferð Lengjudeildarinnar lauk nú undir kvöld með Leik Völsungs og ÍR en leikið var á Húsavík. Völsungur á í harðri baráttu við Grindavík um að halda sæti sínu í deildinni og eftir dramatískan sigur Grindavíkur í dag var ljóst að allt annað en sigur myndi gera liðinu erfitt fyrir að halda sæti sínu í deildinni.
Völsungur 3 - 1 ÍR
0-1 Guðjón Máni Magnússon ('6 )
1-1 Elvar Baldvinsson ('12 )
2-1 Sergio Parla Garcia ('74 )
3-1 Gestur Aron Sörensson ('93 )
Lestu um leikinn
Það blés því ekki byrlega fyrir heimamenn þegar Guðjón Mánu Magnússon kom gestunum úr Breiðholti yfir strax á 6.mínútu
leiksins er hann hirti upp frákast og skilaði í netið eftir varið skot Victor Mendez Exposito í marki heimamanna.
Heimamenn bitu þó fljótlega frá sér og á 12.mínútu leiksins hafði Elvar Baldvinsson jafnað leikinn er hann skóflaði boltanum í markið eftir darraðardans í teig ÍR eftir hornspyrnu.
Elfar Árni Aðalsteinsson skilaði boltanum í netið fyrir Völsung undir lok fyrri hálfleiks og fögnuðu heimamenn um stund. Þeim var þó kippt niður á jörðina þegar þeir sáu að flaggið var á lofti og markið stóð því ekki. Staðan 1-1 þegar liðin gengu til hálfleiks.
Heimamenn mættu af krafti í síðari hálfleikinn en þurftu þó að bíða um stund eftir marki. Á 74.mínútu gætti Vilhelm Sigurjónsson ekki að sér. Hann lagði boltann frá sér án þess að vita af Elfari Árna í kringum sig sem hirti af honum boltann, lagði hann fyrir Sergio Parla sem skoraði auðveldlega í tómt markið, Einstaklega klaufalegt hjá markverðinum það.
Gestirnir úr Breiðholti reyndu hvað mest þeir máttu að jafna leikinn og komust næst því í uppbótartíma þegar þeir áttu skalla að marki eftir hornspyrnu sem fór í slánna og niður á marklínuna. ÍR-ingar náðu einnig frákastinu en boltinn yfir af örstuttu færi.
Í stað þess að ÍR fagnaði marki brunuðu Völsungar upp völlinn og gerðu þriðja markið en þar var á ferðinni Gestur Aron Sörensson eftir sendingu frá Arnari Pálma Kristjánssyni.
3-1 sigur Völsungs staðreynd og eru þeir enn á lífi í fallbaráttunni fyrir lokaumferðina sem fer fram að rúmri viku liðinni.
0-1 Guðjón Máni Magnússon ('6 )
1-1 Elvar Baldvinsson ('12 )
2-1 Sergio Parla Garcia ('74 )
3-1 Gestur Aron Sörensson ('93 )
Lestu um leikinn
Það blés því ekki byrlega fyrir heimamenn þegar Guðjón Mánu Magnússon kom gestunum úr Breiðholti yfir strax á 6.mínútu
leiksins er hann hirti upp frákast og skilaði í netið eftir varið skot Victor Mendez Exposito í marki heimamanna.
Heimamenn bitu þó fljótlega frá sér og á 12.mínútu leiksins hafði Elvar Baldvinsson jafnað leikinn er hann skóflaði boltanum í markið eftir darraðardans í teig ÍR eftir hornspyrnu.
Elfar Árni Aðalsteinsson skilaði boltanum í netið fyrir Völsung undir lok fyrri hálfleiks og fögnuðu heimamenn um stund. Þeim var þó kippt niður á jörðina þegar þeir sáu að flaggið var á lofti og markið stóð því ekki. Staðan 1-1 þegar liðin gengu til hálfleiks.
Heimamenn mættu af krafti í síðari hálfleikinn en þurftu þó að bíða um stund eftir marki. Á 74.mínútu gætti Vilhelm Sigurjónsson ekki að sér. Hann lagði boltann frá sér án þess að vita af Elfari Árna í kringum sig sem hirti af honum boltann, lagði hann fyrir Sergio Parla sem skoraði auðveldlega í tómt markið, Einstaklega klaufalegt hjá markverðinum það.
Gestirnir úr Breiðholti reyndu hvað mest þeir máttu að jafna leikinn og komust næst því í uppbótartíma þegar þeir áttu skalla að marki eftir hornspyrnu sem fór í slánna og niður á marklínuna. ÍR-ingar náðu einnig frákastinu en boltinn yfir af örstuttu færi.
Í stað þess að ÍR fagnaði marki brunuðu Völsungar upp völlinn og gerðu þriðja markið en þar var á ferðinni Gestur Aron Sörensson eftir sendingu frá Arnari Pálma Kristjánssyni.
3-1 sigur Völsungs staðreynd og eru þeir enn á lífi í fallbaráttunni fyrir lokaumferðina sem fer fram að rúmri viku liðinni.
