Bruno snýr aftur í byrjunarliðið

Fernandes var settur á bekkinn gegn Bournemouth og kom ekkert við sögu eftir að hafa gagnrýnt leikskipulag Michael Carrick í 4-1 tapinu gegn Como í Meistaradeildinni.

Portúgalinn hefur ekki verið líkur sjálfum sér á tímabilinu og fullyrti Carrick að ákvörðunin um að setja hann á bekkinn gegn Bournemouth hefði eingöngu verið tekin af fótboltalegum ástæðum. Þar sat einnig Lisandro Martínez, sem hafði gagnrýnt félagið aðeins viku áður.

Telegraph og fleiri miðlar greindu frá því í gær að Carrick og Fernandes hefðu sest niður og hreinsað andrúmsloftið sín á milli. Nú er búist við því að fyrirliðinn snúi aftur í byrjunarliðið gegn Chelsea um helgina.

Carrick hefur fengið meiri tíma til að rétta skútuna af, en United hefur ekki unnið í síðustu átta leikjum sínum í öllum keppnum og er nú komið niður í 16. sæti deildarinnar.

Óvíst er hversu mikinn tíma Carrick fær til viðbótar, en tap gegn Chelsea gæti orðið kornið sem fyllir mælinn hjá stjórninni. Julian Nagelsmann, Eddie Howe og Antonio Conte hafa allir verið orðaðir við stjórastöðuna á síðustu vikum.