Arsenal og Wolves eiga leik í úrvalsdeildinni þessa stundina en hann fór ekki sérlega vel af stað því leikinn þurfti að stöðva í tíu mínútur strax í upphafi.
Arsenal átti hornspyrnu og fóru David Luiz og Raul Jimenez báðir upp í boltann. Þeir skullu saman og lágu eftir en Jimenez fór verr út úr árekstrinum og var sendur á sjúkrahús.
David Luiz fékk umbúðir utan um hausinn og spilaði út hálfleikinn. Tíu mínútum var bætt við í uppbótartíma vegna áreksturins.
Úlfarnir eru búnir að vera betri í leiknum og eru með forystuna á 67. mínútu, staðan er 1-2.
Jimenez missti meðvitund en líkami hans brást vel við lyfjameðferð. Hann er með meðvitund og úr allri hættu.
Athugasemdir
