The Guardian greinir frá því að Vincent Kompany, fyrrum fyrirliði Manchester City, hafi hafnað starfstilboði frá félaginu á dögunum.
Kompany yfirgaf Man City eftir síðasta tímabil og tók við starfi sem spilandi þjálfari hjá Anderlecht.
Þrátt fyrir afar erfiða byrjun hjá Anderlecht síðasta haust gafst Kompany ekki upp og var liðið á blússandi siglingu þegar Covid-19 skall á.
Pep Guardiola vill fá Kompany aftur til Man City og gera hann að aðstoðarþjálfara sínum en Belginn hafnaði samningstilboðinu til að vera áfram hjá uppeldisfélaginu.
Guardiola vantar mann til að fylla í skarðið sem Mikel Arteta skildi eftir þegar hann tók við Arsenal fyrr á tímabilinu.
Athugasemdir