Líkleg byrjunarlið á Kópavogsvelli - Nóg af breytingum

Oliver Sigurjónsson lék tæplega hálfleik í leiknum og við spáum því að hann byrji sinn fyrsta leik á tímabilinu í kvöld. Hann kemur inn á miðsvæðið í stað Patrik Johannesen, mögulega of mikið að láta Patrik byrja tvo leiki í röð svona stuttu eftir endurkomu eftir erfið meiðsli. Svo spáum við því að Kristinn Steindórsson komi inn fyrir Benjamin Stokke.


Það eru nokkrir tæpir vegna meiðsla í liði Víkings en í líklegu byrjunarliði göngum við út frá því að allir séu klárir í að byrja. Við spáum því að Arnar Gunnlaugsson geri eina breytingu frá fyrri leik lliðanna, spáum því að Aron Elís Þrándarson komi inn fyrir Gísla Gottskálk Þórðarson. Frá síðasta leik spáum við heilum fjórum breytingum; Aron Elís, Pablo Punyed, Nikolaj Hansen og Ari Sigurpálsson inn fyrir Matthías Vilhjálmsson, Valdimar Þór Ingimundarson, Helga Guðjónsson og Gísla Gottskálk.